10 июн дар пойтахти Тоҷикистон — шаҳри Душанбе Конференсияи сеюми байналмилалии сатҳи баланд оид ба татбиқи «Даҳсолаи байналмилалии амал «Об барои рушди устувор, солҳои 2018-2028» баргузор гардида буд, ки дар он кормандони Муассисаи давлатии «ТољикНИИГиМ» фаъолона иштирок намуданд.
Дар доираи Конфронси сеюми Душанбе оид ба Даҳсолаи амалҳои об Ҳукумати Тоҷикистон 12 июни соли 2024 аз ҷониби Маркази федералии илмии Институти умумироссиягии тадқиқоти гидротехникӣ ва мелиоратсия ба номи А.Н. Костяков, чорабинии мувозӣ баргузор гардид: беҳсозии истифодаи захираҳои об – роҳи ягонаи рушди устувори минтақаҳо.
Тибќи барномаи конференсия директори генералии Муассисаи давлатии «Институти илмӣ-тадқиқотии гидротехникӣ ва мелиоратсияи Тоҷикистон» (МД «ТоҷикНИИГиМ») номзади илмњои иќтисодї, дотсент Умаров Дилшод Мирзовалиевич, дар мавзўи «Хусусиятҳои ташаккул ва оптимизатсияи арзиши хизматрасонии ташкилотҳои идоракунии об» баромад намуд.
Дар кори ин чорабинии сатҳи баланди байналмилалӣ иштироки зиёда аз ду ҳазор нафар аз ҳайатҳои расмии беш аз 100 давлати аъзои Созмони Милали Муттаҳид, роҳбарону коршиносон ва таҳлилгарони масоили обу иқлим аз 62 ташкилоту созмонҳои минтақавию байналмилалӣ пешбинӣ шуда буд.
Дар доираи баргузории ин конференсияи сатҳи баланд дар пойтахти кишвар шаҳри Душанбе фестивалу форумҳои зиёд доир ба масъалаҳои обу пиряхҳо ва иқлим, аз ҷумла Форуми байналмилалии пиряхҳо, Форуми байналмилалии парлумонӣ таҳти унвони «Захираҳои об ва устувории демографӣ ба манфиати ҷавонон», Форуми байналмилалии зан ва об, Форуми Осиёи Марказӣ таҳти унвони «Об ва тағйирёбии иқлим», Форуми оби Африқо, Форуми бахши хусусӣ, Форуми кӯдакон ва ҷавонон оид ба об ва иқлим, Форуми ташкилотҳои ҳавзавӣ, Форуми илм ва технология ва Фестивали обу пиряхҳо гузаронида шуданд.
Ҳадафи конференсия тақвияти саъю талошҳои муштарак ва дастгирии иҷрои уҳдадориҳои ихтиёрии дар Рӯзномаи Конфронси оби Созмони Милали Муттаҳид сабтшуда, инчунин ҳавасмандгардонии шарикии нав ва суръат бахшидан ба амалҳо барои ноил шудан ба ҳадафҳои об дар Рӯзномаи рушди устувор то соли 2030 мебошад. Бешубҳа, натиҷаҳои Конфронси сеюми Душанбе комёбиҳои бадастомадаи Конференсияи оби Созмони Милали Муттаҳид-2023-ро таҳким бахшида, ба қабули уҳдадориҳо ва иқдоми нав дар соҳаи захираҳои об мусоидат менамоянд.
Раванди оби Душанбе бо ибтикори Ҳукумати Ҷумҳурии Тоҷикистон бо мақсади дастгирии татбиқи ҳадафҳои Даҳсолаи байналмилалии амал «Об барои рушди устувор, солҳои 2018-2028» тавассути баргузории силсилаконфронсҳо ҳар ду сол як маротиба аз ҷониби Тоҷикистон дар ҳамкории зич бо Созмони Милали Муттаҳид гузаронида мешавад.
